Dünyanın ən güclü 10 ordusu

Global Firepower Index’in 2014-сü ilin ən güclü ordularının sihayısını elan etdi. Global Firepower Index təxminən 50 göstəriciyə görə orduların gücünü hesablayıb sıralayır. Bu göstəricilərə ehtiyatda olan hərbi qulluqçuların sayı, tank, döyüş təyyarəsi, nüvə başlığı, təyyarə daşıyan gəmi, sualtı gəmi sayı və müdafiə xərcləri daxildir. Ancaq bu kateqoriyalar hər ölkə üçün fərqli ağırlıqda hesablanır. Məsələn, dənizə çıxışı olmayan ölkələrin gəmi sayı ordu gücü hesablanan zaman az ağırlıqda götürülür.

10- Yaponiya

Hərbi qulluqçuların sayı: 53,608,446
Tank sayı: 767
Döyüş təyyarəsi sayı: 1,595
Nüvə başlığı sayı: 0
Təyyarə daşıyan gəmi sayı: 1
Sualtı gəmi sayı: 16
Müdafiə xərcləri (dollar): 49,100,000,000

9- Cənubi Koreya

Hərbi qulluqçuların sayı: 25,609,290
Tank sayı: 2,346
Döyüş təyyarəsi sayı: 1,393
Nüvə başlığı sayı: 0
Təyyarə daşıyan gəmi sayı: 1
Sualtı gəmi sayı: 14
Müdafiə xərcləri (dollar): 33,700,000,000

8- Türkiyə

Hərbi qulluqçuların sayı: 41,637,773
Tank sayı: 3,657
Döyüş təyyarəsi sayı: 989
Nüvə başlığı sayı: 0
Təyyarə daşıyan gəmi sayı: 0
Sualtı gəmi sayı: 14
Müdafiə xərcləri (dollar): 18,185,000,000

7- Almaniya

Hərbi qulluqçuların sayı: 36,417,842
Tank sayı: 408
Döyüş təyyarəsi sayı: 710
Nüvə başlığı sayı: 0
Təyyarə daşıyan gəmi sayı: 0
Sualtı gəmi sayı: 4
Müdafiə xərcləri (dollar): 45,000,000,000

6- Fransa 

Hərbi qulluqçuların sayı: 28,802,096
Tank sayı: 423
Döyüş təyyarəsi sayı: 1,203
Nüvə başlığı sayı: 300
Təyyarə daşıyan gəmi sayı: 1
Sualtı gəmi sayı: 10
Müdafiə xərcləri (dollar): 43,000,000,000

5- İngiltərə

Hərbi qulluqçuların sayı: 29,164,233
Tank sayı: 407
Döyüş təyyarəsi sayı: 908
Nüvə başlığı sayı: 225
Təyyarə daşıyan gəmi sayı: 1
Sualtı gəmi sayı: 11
Müdafiə xərcləri (dollar): 53,600,000,000

4- Hindistan 

Hərbi qulluqçuların sayı: 615,201,057
Tank sayı: 3,569
Döyüş təyyarəsi sayı: 1,785
Nüvə başlığı sayı: 80-100
Təyyarə daşıyan gəmi sayı: 2
Sualtı gəmi sayı: 17
Müdafiə xərcləri (dollar): 46,000,000,000

 3- Çin

Hərbi qulluqçuların sayı: 749,610,775
Tank sayı: 9,150
Döyüş təyyarəsi sayı: 2,788
Nüvə başlığı sayı: 250
Təyyarə daşıyan gəmi sayı: 1
Sualtı gəmi sayı: 69
Müdafiə xərcləri (dollar): 126,000,000,000

 2- Rusiya

Hərbi qulluqçuların sayı: 69,117,271
Tank sayı: 15,000
Döyüş təyyarəsi sayı: 3,082
Nüvə başlığı sayı: 8,484
Təyyarə daşıyan gəmi sayı: 1
Sualtı gəmi sayı: 63
Müdafiə xərcləri (dollar): 76,600,000,000

1- ABŞ

Hərbi qulluqçuların sayı: 145,212,012
Tank sayı: 8,325
Döyüş təyyarəsi sayı: 13,683
Nüvə başlığı sayı: 7,506
Təyyarə daşıyan gəmi sayı: 10
Sualtı gəmi sayı: 72
Müdafiə xərcləri (dollar): 612,500,000,000

 

 Hazırladı: MushviG.H\Bütün hüquqlar qorunur. Saytda yerləşdirilmiş məlumatdan istifadə etdikdə istinad və müvafiq keçidin qoyulması zəruridir.

→ Bilmək istədiyiniz maraqlı faktlar

İnsanlar nəyə görə içki badələrini toqquşdururlar?

Bu ənənə ilə bağlı iki ayrı fikir irəli sürülür:    

      1. Şərab içən insanın 5 duyğu orqanını razı salmaq məqsədi ilə şərab qədəhini süfrədə çın səsiylə toqquşdurmaq. Burada 5 duyğu dedikdə aşağıdakılar nəzərdə tutulur: Şərabın rəngi — görmə hissi; Şərabın dadı — tam alma hissi; Şərabın iyi – qoxu alma hissi; əl ilə toxunmaq – toxunmaq hissi;  çın səsi – eşitmə duyğusu. Şərab bütün duyğuları qane edən mənasını daşıyır.

     2. Digər fərziyəyə görə antik dövrlərdə bir insanın düşmənini yeməyə dəvət edib ona zəhərli içki təqdim etməsi  tez-tez müşahidə edilirdi. Ev sahibi içkisinin zəhərsiz olduğunu göstərmək üçün öz içki badəsini havaya qaldırar və qonağın içkisinin bir hissəsinin öz badəsinə tökülməsini istərdi. Sonra eyni vaxta içkilər içilərdi. Qonaq bu zaman ev sahibinə inamını göstərmək üçün badəsini ev sahibinin yuxarı qaldırdığı badəyə yavaşca toqquşdurar və çın səsi ilə içkini yoxlamağa ehtiyac olmadığını göstərərdi.

Həftədə nəyə görə 7 gün vardır?

     İlk dəfə Babillər 7 günlük həftə zaman periodundan istifadə etmişlər.  Həmin dövrdə insanlara məlum olan beş planet ilə günəş və ayın birgə sayının 7 olması bu rəqəmin gizli və uğurlu rəqəm olmasını göstərirdi. Daha sonra dinlərdə göyün 7 qatdan ibarət olması, təbiətdəki ana rənglərin sayının 7 olması, musiqidə notların sayının 7 olması bu rəqəmin əhəmiyyətini daha da artırdı. Sonralar bir sıra ölkələr bu təqvim periodunu dəyişdi. Fransa təqvimdə həftə günlərinin sayını 10 etdi, amma bu xalq tərəfindən qəbul edilmədi. Rusiyada da 5 günlük həftə tətbiq edildi, lakin bu da uzun müddət davam etmədi. Sonda yenə həftə 7 günlük olaraq qaldı.

Təhlükəni bildirə S.O.S-un mənasə nədir?

    Bir çoxlarımız bu qısaltmanın “Save our Ship” gəmimizi xilas et, “Save our Soul”ruhumuzu xilas et, “Stop other Signals” digər signalları söndür sözlərinin qısaltmasından yarandığını fikirləşirlər. Lakin əsas məsələ tamam fəqlidi. Bu teleqraf dövründən qalma Mors əlifbası ilə əlaqəlidir. Yardım çağırışının daha asan yadda saxlanılması üçün 1908-ci ildə bu ifadədən istifadə edilirdi.   

Otellerdə nəyə görə fırlanan qapılar (revolving doors) istifadə edilir?

     Fırlanan qapıların məqsədi enerjiyə qənaətdir. Hotel, ofis kimi böyük binalarda içəri daim isidilir. Açılan normal qapılar hava axınına mane olmur və soyuq ( yay aylarında isti) hava rahatlıqla içəriyə daxil olur. Əgər normal qapılar  istifadə olunsa hava axını səbəbi ilə isitmə və soyutma mexanizmləri yenidən fəaliyyətə başlayacaqdır. Bu isə əlavə xərclərə səbəb olur. Bu səbəbdən qapılarından tez-tez istifadə olunan otel və bənzəri binalarda fırlanan qapılardan istifadə olunur və bu yolla enerjiyə qənaət edilir.Fırlanan qapılar isti havanın xaricə, soyuq hava axının isə içəri girməsinə mane olur.

Təcümə etdi: Muşviq\ istifadə zamanı sayta istinad mütləqdir

→ Səyahəti asanlaşdıran 4 görkəmli şəxsiyyət

1. Fernan Magellan
Məşhur portuqal dənizçisi Fernan Magellan 1520-ci ildə tarixdə ilk dəfə olaraq dövrü aləm səyahəti etmiş və bir çox maraqlı və faydalı kəşflər etmişdir.

O, əsasən dəniz səyahəti zamanı qısa yollar axtarışında olmuşdur. Onun kəşflərindən biri də Cənubi Amerika ilə “Odlu Torpaq” arxipelaqı arasındakı boğaz idi. Bu boğaz ona qədər də dənizçilərə məlum idi. Amma bu keçidi dənizçilər çox təhlükəli və keçilməz hesab edirdilər.

Belə ki, bu keçidin orta eni 4,5 metr idi və çox dar olan bu keçidi keçməyə heç bir dənizçi cürət etmirdi. Amma Magellan ilk dənizçi idi ki, bu boğazı keçdi. O, Atlantik okeanından Sakit okeana keçən ilk avropalı dənizçi olmuşdur. Bu, dənizçilər üçün yeni bir dəniz yolu idi. Hal-hazırda bu boğaz “Magellan boğazı” adlanır. İndi bu boğazdan müntəzəm olaraq kiçik gəmilər üzüb keçir. 

2. Riçard Trevitik
Dünyada ilk parovoz 1804- cü ildə ingilis ixtiraçısı Riçard Trevitik tərəfindən hazırlanmışdır. Bu parovoz həddindən artıq ağır olduğu üçün onu çuqun relslər belə saxlaya bilmirdi.

İxtiraçı təcili olaraq yaratdığı parovozun quruluşunda dəyişikliklər etmək məcburiyyətində qalır. 4 il sonra ixtiraçı parovozun yeni uğurlu prototipini hazırlayır. Bu parovozun sürəti 30 km saat idi ki, bu da o dövrlər üçün çox yüksək bir sürət hesab olunurdu.

O zamanlar dəmiryolu sistemi olmadığından parovozu təyinatı üzrə istifadə edə bilmirdilər. Trevitik öz vəsaiti hesabına yerli parkların birində dairəvi dəmiryolu düzəltdirməklə, parovozun sürətini göstərməklə kifayətlənmişdir və hərdən də imkanlı adamlar pul ödəyərək, bu parovoza minib əylənərdilər.

 Sonralar dəmiryolu ən populyar və geniş yayılmış nəqliyyat vasitəsinə çevrildi. Səyahətçilər bu nəqliyyat vasitəsilə uzun məsafələri bir neçə saata qət edirdilər.

3. Alessandro Malaspina 
Panama kanalı – Panama körfəzini Sakit okeanla və Karib dənizi ilə birləşdirir. Həm də bu kanal Atlantik okeanla Sakit okeanı birləşdirir. 1790-cı ildə italyan çoğrafiyaşunası və səyahətçisi Alessandro Malaspina bu kanalın ilk layihəsini çəkmişdir. O, bilirdi ki, bu layihənin həyata keçməsilə dəniz tacirləri həm vaxtlarına, həm də yol xərclərinə xeyli qənaət edəcəklər. O, həm də bilirdi ki, bu kanal hazır olarsa, Atlantik okeanından Sakit okeanına keçmək üçün qət ediləcək məsafə 2 dəfə, yarıbayarı qısalacaq. Alessandro əvvəlcədən kanalın çəkiləcəyi ərazilərdə kəşfiyyat işləri aparmış və kanalın keçəcəyi yolları əvvəlcədən, dəqiqliyi ilə layihələşdirmişdir. Bircə işə başlamaq qalırdı. Amma naməlum səbəbdən layihənin həyata keçirilməsi donduruldu.

XIX əsrin əvvəllərində beynəlxalq ticarətin inkişafı dövrlərində Alessandronun kanal ideyası ispanlar və amerikalılar tərəfindən yenidən gündəmə gəldi. Bu sahədə daha çox fransızlar təşəbbüs göstərirdilər. Amma müxtəlif texniki çətinliklərə görə, bu layihəni həyat keçirmək yenə də mümkün olmadı.

Yalnız 100 ildən artıq bir vaxt keçdikdən sonra, yəni – 1920-ci ildə kanalın çəkilişi başa çatdırıldı və kanal işə düşdü. O vaxtdan indiyədək Panama kanalı beynəlxalq ticarət əlaqələri və iqtisadi əlaqələrdə böyük və əvəzsiz rol oynamışdır. Kanalın çəkilişi ilə Atlantik okeanından Sakit okeanına keçilməsi üçün qət edilən məsafə 2 dəfə qısaldıldı.

 Panama kanalının tikintisi bəşər tarixində həyata keçirilən ən çətin və ən böyük layihə hesab edilir.

4. Alberto Santos — Dümon
Uçucu (təyyarəçi) Alberto Santos- Dümon aviasiyanın ilk pionerlərindən hesab olunur. İlk hava şarını o, ixtira etmişdir və özü də sınaqdan keçirmişdir.

Aeroplanda ilk uçuşu da o, etmişdir. Bu ixtiraçı vertolyot və təyyarələrin layihələşdirilməsi ilə də məşğul olmuşdur. “14 – bis” markalı təyyarənin layihələşdirilməsi məhz ona məxsusdur. Mühərriklə işləyən ilk təyyarənin uçuşunu da o, həyata keçirmişdir.

O, aviasiyanın inkişafı üçün çox əmək qoymuşdur. İndiki dövrdə dünyanın bir tərəfindən digər bir tərəfinə bir neçə saata səyahət etməyimiz üçün biz, məhz Alberto Santos – Dümona minnətdar olmalıyıq.

→ Qan qohumlarının nigahı Qan qohumları arasında bağlanan nigah uşaqda ana

Qan qohumları arasında bağlanan nigah uşaqda anadangəlmə eybəcərlik və xəstəliklərin əmələ gəlməsi risklərini artıran əsas faktorlardan hesab olunur. Səbəblərini izah edək.

İnsan orqanizmi bütün hüceyrələrində 46 xromosom (23 cütlük) mövcüddur. Kişi və qadın cinsi hüceyrələrində isə 23 xromosom olur ki, onlar birləşəndə yeni orqanizmin gen toplusu əmələ gəlsin (23 xromosom atadan + 23 xromosom anadan = 46 xromosom). 

Xromosomlar genlərdən ibarətdir və bu genlər hər bir insan orqanizminin bütün xüsusiyyətlərdən (saç, dəri və gözlərin rəngi, mübadilə proseslərin xüsusiyyətləri, irsi xəstəliklər və s.) məlumat daşıyırlar.

İnsan orqanizmində hər bir əlamət haqqında informasiyanı 2 gen-cütlük daşıyır. Əgər cütdəki genlərdən biri insanın hər hansı bir əlamətinin təhrif olunmuş, mutasiyalı, patoloji informasiyanı (açıq desək, xəstəliyi) daşıyırsa, digər gen isə sağlamdırsa, insan sağlam doğulur. Uşaq hər bir valideynlərin hər gen-cütlüyündən bir gen alır. Qan qohumlarında çoxsaylı ümumi genlərin olması ona gətirib çıxara bilər ki, bu nigahda doğulan uşaqlar öz valideynlərindən iki eyni təhrif olunmuş, patoloji informasiyanı daşıyan gen qəbul edə bilərlər. Nəticədə uşaq xəstə doğulur.

Qan qohumları olmayan insanların uşaqlarında, genotiplərində (gen toplusu) eyni mutasiyaya məruz qalmış genlərin “görüşməsi” ehtimalı çox azdır.

→ "Hot dog"un tarixcəsi

“Hot Dog”u tam cəsarətlə Amerika mətbəxinin klassikası adlandırmaq olar.

Bu yemək 1860-cı ildən başlayaraq, demək olar ki, ABŞ-ın simvoluna çevrilmişdir. Belə ki, həmin ildən alman immiqrantları bu yeməyi özlərilə ABŞ-ya gətirmişlər və elə həmin ildən də (yəni, 1860-cı ildən) “Hot dog” ABŞ-nın yerli əhalisi tərəfindən çox bəyənilmişdir. Sonralar, yəni 1893-cü ildə Çikaqoda keçirilən Beynəlxalq Sərginin iştirakçılarının hər birinə həmin yeməkdən verilmişdir. Bu yemək sərgidə iştirak edənlər tərəfindən kifayət qədər bəyənilmişdir.

1900-cü ildə Almaniyadan ABŞ-a gəlmiş qəssab Çarlz Feltman burada “Hot dog”un kütləvi istehsalına başlamışdır. 1910-cu ildə Ç. Feltman dünyasını dəyişir. Ondan sonra qalan restoran və otellerin ümumi dəyəri milyonlarla ölçülürdü. O dövrlər bu, çox böyük bir miqdarda pul demək idi.

1957-ci ildən ABŞ-nın Ticarət Palatası tərəfindən “Hot dog” günü rəsmiləşdirilmiş, bundan 37 il sonra isə “Hot dog və sosislər” Milli Şurası yaradılmışdır. 

Hələ çox-çox əvvəllər də öz dadı və ləzzəti ilə ad qazanmış bu populyar yeməyin adının haradan və necə yaranması ilə bağlı çoxlu araşdırmalar aparılmışdır. Belə ki, “Hot-dog” sözünün hərfi mənası “isti it” deməkdir. Bəzi tarixçilər təsdiq etməyə çalışmışlar ki, “Hot dog” söz birləşməsi ilk dəfə alman qəssabı İohann Lanner tərəfindən işlədilmişdir. O, böyük sosisləri “balaca itlər” adlandırmışdır (“Dachshund”).

Digər tarixçilər isə bu sözün amerikada yarandığını təsdiqləməyə çalışmışlar. Belə ki, guya, Nyu-Yorkda, XX əsrin əvvəllərində benqallarla keçirilən matç zamanı satılan sosislərlə bağlı bu ad yaranmışdır. İlk öncə “Hot dog” sözünü karikaturaçı Ted Dorqan öz karikaturalarında işlətmişdir. Öz karikaturalarını belə adlandırmaqla o, benqallıların bu yeməyi it ətindən hazırladıqlarına işarə etmişdir. Bəzi tarixçilər isə bunu təsdiq etməyə çalışmışdılar. Tarixçilərin dediklərinə görə, bu cür sosislər XIX əsrin ortalarında benqaliyada it ətindən hazırlanışrmış və bu səbəbdən də o zamanlar bu cür sosislər “Hot dog” – yəni, “it ətindən hazırlanmış isti sosislər”- adlandırılırdı.

Bu dadlı yeməyə verilən “Hot dog” adının harada və necə yaranması bir yana, qeyd etmək lazımdır ki, bu yemək yarandığı zamandan indiyədək tək ABŞ-da deyil, bir çox ölkələrdə ən populyar yeməklərdən hesab olunur. Onu da qeyd etmək lazımdır ki, Amerikanın “bədbəxtçiliyi” hesab edilən köklüyü yaradan da elə bu cür fastfoodlardır.

“Hot dog və sosislər” Şurasının verdiyi məlumatlara əsasən, hər bir amerikalı il ərzində ən azı 60 Hot Dog yeyir.

“Hot dog”un zərərləri haqqında çox danışılsa da, “Hot dog" həvəskarları yenə də bu yeməyin dadını çıxarmaqda davam etməkdədirlər. Hər il iyulun 18-i Beynəlxalq “Hot dog” Günü kimi qeyd edilir.

→ Ən yüksək yaşayış göydələni

Nyu-Yorkda 426 m hündürlüyü olan dünyanın ən yüksək «432 Park-Avenyu» yaşayış göydələninin tikintisi başa çatıb. Bu bina Nyu-Yorkda ən hündür ikinci tikilidir. Bu barədə tikinti şirkətinin rəhbəri Qarri Maklou məlumat verib. 

Manhettenin mərkəzində 56-cı və 57-ci küçələr arasında yerləşən Park-avenyu 96 mərtəbədən ibarətdir. Hazırda bina sadəcə yerləşdiyi ünvanla «432 Park-avenyu» adlandırılır. Göydələnin rəsmiləşməsi ilə əslən macar olan Rafael Vinyoli məşğul olur.

Elit binanın sakinləri şəxsi restoran, bağ, spa və sauna ilə fitnes mərkəzi, masaj kabinetləri, hovuz, kitabxana və bilyard zalından istifadə edə biləcəklər. Bundan başqa, orada, həmçinin çaxır zirzəmisini yaratmaq planlaşdırılır. Sakinlər gəzinti üçün terras və qolf meydançasından istifadə edə biləcəklər.

İlk sakinlər binada təxminən bir ildən sonra məskunlaşacaqlar. Ümumilikdə göydələndə hər birinin dəyəri 7 milyondan 80 milyon dollaradək olan 104 mənzil var. 2015-ci ildə «432 Park-Avenyu» ilə eyni hündürlükdə olacaq  daha 3 binanın; «217 West 57th Street», «111 West 57th Street» və «125 Greenwich Street» yaşayış binalarının tikilməsi planlaşdırılır. Məlumatı RİA Novosti xəbər agenliyi yayıb.

→ Kosmosda həyat mümkün olacaqmı?

BBC Future Proqramı çərçivəsində 21 Oktyabr tarixində “Dünyanı Dəyişdirən Fikirlər” adlı konfrans keçirilmişdir. Konfransda elm, texnologiyalar və sağlamlıq haqqında yeniliklər müzakirə edilmişdir. Əsas müzakirə olunan məsələlərdən biri də kosmosda insan koloniyalarının qurulması ilə bağlı olmuşdur.

Planetimizdə əhali sayının sürətlə artması nəticəsində yaranan ərazi və resurs problemləri insanları yeni dünya axtarmağa məcbur edir. SpaceX adlı kosmik turizm şirkətinin sahibi Elon Mask bildirir ki, “Hər hansı bir fəlakət nəticəsində insan varlığını qorumaq üçün başqa planetlərdə yaşamağa imkan verən araşdırmalar vacibdir”. Kosmik koloniya haqqında ilk fikiri 1920-ci ildə Avstriyalı roket dizayneri Herman Potoçnik irəli sürmüşdür. Potoçnikin xəyal etdiyi layihə UFO-ya bənzər dairəvi kosmik aparat yaratmaq idi. Bu aparat süni yer cazibəsi yaratmaq üçün fırlanacaq və enerjini isə günəş palelləri vasitəsi ilə əldə edəcəkdi.

Digər alimlər isə kosmosda koloniya qurmaq əvəzinə başqa bir planetdə ya da Ayda insanın yaşaması üçün lazımi vasitələri özündə birləşdirən süni biosfer yaratmağı daha ağlabatan hesab edirlər. Bu sahədə ilk layihə “Mars 2025”-dir, hansı ki həmin ilə qədər Marsda yeni mədəniyyətin yaradılmasını nəzərdə tutur.

 Bəs kosmosda yaşayış necə təşkil olunacaq?

 Beynəlxalq Kosmos Stansiyası təcrübəsi kosmik koloniyalarda qarşılaşılacaq problemlər haqqında ilkin fikir yaratmağa kömək edir. Beləki, stansiyada 6 nəfər ekipaja su daşımaq üçün ildə 2 milyard dollar maliyyə vəsaiti xərclənir. Qida və oksigen tədarükünü nəzərə aldıqda xərclər daha da artır. Bu səbəbdən də öz-özünü təmin edən kosmik koloniyanın yaradılması zəruridir.

Digər önəmli problem insan orqanizminin qarşılaşa biləcəyi problemlərdir. Yer cazibəsinin az olması nəticəsində sümük və əzələlərdə zəiflik və başda təzyiq yüklənməsi yaranacaqdır. Bu nəticədə ömürlük və ya müvəqqəti göz xəstəliklərinə səbəb olur.  Kosmik radiyasiya katarakt və xərçəng xəstəliyi riskini artırır. Moskva şəhərində Mars 500 layihəsi çərçivəsində 6 nəfər 520 gün ərzində 80 metrlik bir ərazidə yaşamaq məcburiyyətinə qalmış və nəticədə bir çoxunda yuxu, qavrama, depressiya kimi problemlər ortaya çıxmışdır. Kosmik koloniyalarda bu cür problemlər aradan qaldırılmalıdır.

Kosmosda doğulan və yaşayan insanlar bizdən fərqlimi olacaq ?

Tətqiqatlara görə bu cür izolə edilmiş koloniyalarda yaşayan insanların özlərinə xas mədəniyyətləri olacaq. Bəlkə öz dillərini yaradacaqlar, hətta bəzi fiziki xüsusiyyətlərə sahib olacaqlar.

Portland Universitetinin professor Kameron Smitə görə 2000 insandan ibarət olan bir kosmik koloniyanın sakinləri 300 ildən sonar bizdən fərqli bir görünüşə, fərqli davranış formalarına, saç quruluşuna, fərqli dəriyə, aşağı yer çəkiminə uyğun manevr etmək bacarığına malik hündür bədən quruluşuna və.s malik olacaqlar. Smitə görə hətta bu koloniyalarda genetik mühəndislik yolu ilə yeni orqanlar belə yaradıla bilər. Məsəl üçün, kosmik şüalardan qorunmaq üçün orqanlar və yaxud karbondioksidi oksigenə çevirə biləcək qəlsəmələr yaradılacaq. Bu yolla artıq insan süni biosferdən çıxaraq yeni evlərinə tam olaraq yerləşmiş olacaq.

Hazırladı: Mushviq Huseynli\Bütün hüquqlar qorunur. Saytda yerləşdirilmiş məlumatdan istifadə etdikdə istinad və müvafiq keçidin qoyulması zəruridir. Əks halda halallıq vermirəm

→ Sfinksın burnu niyə yoxdur?

“Sfinks” sözü yunancadan tərcümədə “boğucu”, “boğan” mənasını daşıyır.

Sfinks – qadın başlı, şir bədənli, quş qanadlı mifoloji bir varlıqdır. Bu nəhəng heykəl Misir piramidalarının yaxınlığında yerləşir və təxmini 6500 il yaşı var. Əgər fikir vermisinizsə, bu heykəlin burnu yoxdur, daha doğrusu, burnu sındırılıb. Neçə əsrlər idi ki, bunun günahını gah almanlarda, gah britaniyalılarda, gah da ərəblərdə görurdülər. Daha sonra isə günahın Napoleonda olduğu qərarına gəldilər. Amma bu ittihamlar əsassızdır, gümanlardır.

Deyilənə görə, Sfinksın burnu Misirdə gedən müharibələr zamanı yadelli ordular tərəfindən sındırılmışdır. Digər iddiaya görə, I və yaxud da II Dünya Müharibəsi illərində Britaniya və ya Almaniya ordusu tərəfindən bu vandalizm törədilmişdir. Amma bu fikirin yanlış olduğuna dair faktlar var: 1886-cı ildə çəkilmiş fotolarda Sfinks burunsuzdur.

Napoleona gəldikdə isə, yenə də, Sfinksın burunsuz olmasını təsdiqləyən rəsmlər mövcuddur. Avropalı səyahətçilər tərəfindən 1737-ci ildə çəkilmiş rəsmlər vardır ki, burada Sfinks burunsuz təsvir olunmuşdur. Bu rəsmlər fransız imperatorunun doğumundan 32 il əvvəl çəkilmiş rəsmlərdir.

Faktların yalan çıxmasına baxmayaraq, misirli ekskursiya rəhbərləri ölkəyə gələn turistlərə Sfinksın burnunun Napoleon tərəfindən qopardılaraq Luvra aparıldığını söyləyirlər. 

Araşdırmaçıların tarixi faktlarına əsaslanaraq, Sfinksın burnunun sındırılmasında əsas günahkar sufi fanatı Məhəmməd Saim – Əl – Dah hesab edilir. Deyilənlərə görə, Sfinksın burnunu 1378- ci ildə bu adam sındırmışdır və onun törətdiyi vandalizmə görə, yerli əhali onu döyərək öldürmüşdür.

Daha çox həqiqətə uyğun səbəblərdən biri isə heykəlin 6500 il səhra küləyinin və hava durumunun təsiri altında bu hala düşməsidir. Belə ki, Sfinksın burunsuz qalması, uzun illər hava durumunun əhəng daşına təsirinin nəticəsidir. Əsrlərlə səhranın ortasında “ömür sürən” Sfinksın çoxsaylı təbii kataklizmlərə məruz qalması həqiqətən daha çox oxşa

→ Kleopatra doğrudan gözəl olub?

 

Neçə minilliklərdi ki, Kleopatranın gözəlliyi haqqında yaranan əfsanələr dünyanı dolaşmaqdadır. Kleopatra doğrudan gözəl olub?

2000 ildən çoxdur Kleopatra bütün dünyada bir gözəllik simvoluna çevrilmişdir. Onun gözəlliyi rəssamların, şairlərin, heykəltaraşların ilham mənbəyi çevrilmişdir. Tarixdə Kleopatra misilsiz bir gözəl, daim gözəl və cavan qalmağın sirlərini bilən bir qadın kimi təsvir olunmuşdur.

Çariça Kleopatra VII Filopator — Ptolomey sülaləsinin sonuncu nümayəndəsi olmuş və Ellin Misirini 21 il idarə etmişdir. Tarixdə onun adının Qədim Roma imperiyasını idarə edən Yuli Sezar və Mark Antoni ilə bağlı olduğu qeyd edilir. Bu tarixi şəxsiyyətlər Kleopatranın gözəlliyinin əsiri olmuşdur. Gəlin, baxaq, Kleopatranın gözəlliyi haqqında tarix və arxeoloji tədqiqatlar nə deyir?

Kleopatranın çariçalığından 200 il keçdikdən sonra Roma tarıxçisi Dion Kassiy çariçanı belə təsvir etmişdir: -“ o, çox cazıbədar və misli görünməyən bir gözəl olmuşdur. Onu görən hər bir kəs ilk baxışdan ona vurulurmuş...” Amma Dion Kassiydən 100 il əvvəl Plutarx Kleopatra haqqında belə yazmışdır: — “Çariça Keopatra məftunedici, qeyri-adi bir gözəlliyə malik olmayıb. Sadəcə cazıbədar bir qadın olub”. Amma təəssüflər olsun ki, nə Kassiyin, nə də Plutarxın dediklərini təsdiqləyən heç bir dəlil və fakt yoxdur. Çünki Kleopatra təsvir edilən heç bir rəsm və heykəltaraşlıq əsəri qalmamışdır. 

Yalnız Kleopatra təsvir olunan sikkə pullar qalmışdır. Bu pullar da o, zamanlar siyasi təbliğat məqsədilə buraxılmışdır və pulların üzərində də “qarmaq burunlu, kişiyəbənzər qadın” təsvir olunmuşdur. Tarixçilərin bəziləri isə bunu belə izah edirlər ki, onun Ptolomey nəslindən olması və bu nəslə bənzəməsi öz təsdiqini tapması üçün pulların üzərində Kleopatra kişiyə bənzər təsvir olunmuşdur.

Qədim sikkələrin üzərindəki Kleopatra özündən çox Ptolomey nəslindən olan kişilərə bənzədilmişdir. Bununla da, Kleopatranın hakimiyyətə daha çox iddialı olduğunu sübuta yetirməyə çalışmışlar. Bu qədim pulları da o zamanlar Kleopatranın xarici görünüşünü göstərmək üçün deyil, məhz siyasi təbliğat məqsədilə buraxmışlar. Bir şeyi də qeyd eləmək yerinə düşər ki, əvvəllər “qadın gözəlliyi” dedikdə, heç də yalnız sifət gözəlliyi nəzərdə tutulmurdu. O zamanlar, adətən fiziki sağlamlıq, cəlbedici danışıq tərzi, səs və sairə...

Qədim tarixçi Dio yazırdı ki, — “ Kleopatra çox cazıbədar bir səsə malik olmuş və şirin bir ünsiyyət yaratmağı bacaran qadın olmuşdur. Onunla bir dəfə söhbət edən adam, sanki ona ömürlük bağlanırdı”.

Plutarxın fikrincə də, Kleopatranın xarici görünüşündən çox, onun xasiyyəti, ünsiyyəti daha çox cəlbedici olmuşdur. Elə Yuli Yezarı da, Mark Antonini də Kleopatra öz ünsiyyətilə məftun etmişdir. Amma bütün bunlarla bərabər, sözsüz ki, Kleopatranın xarici cəlbediciliyi də olmuşdur. O, gözəl xarici görünüşə malik bir qadın olub”.

2000 ildən çoxdur Kleopatra tarixdə gözəllik simvolu hesab edilir. Tarixçilərin sözünə görə, Kleopatranın daxili gözəlliyi xaricindən daha gözəl idi.

→ Ən çox neft ehtiyatı haradadır?

ABŞ Enerji Nazirliyinə bağlı Enerji İnformasiya İdarəsinin (EIA) və İngilis neft şirkəti BP-nin məlumatlarına görə  dünyada təsdiq edilmiş neft ehtiyatları 1 trilyon 333 milyard barel təşkil edir. Bu ehtiyatların yüzdə 56,6-sı (754.2 milyard barel) Yaxın Şərqin, yüzdə 14,9-u (198.9 milyard barel) Cənubi və Mərkəzi Amerikanın, yüzdə 10,3-ü (136.9 milyard barel) Avropa və Avrasiyanın, yüzdə 9,6-sı (127.7 milyard barel) Afrikanın, yüzdə 5,5-i (73,3 milyard barel) Şimali Amerikanın və yüzdə 3,2-si (42,2 milyard barel) Asiya-Sakit okean bölgəsinin payına düşür.

Təsdiq edilmiş neft ehtiyatlarına görə ilk sırada 266,7 milyard ( yüzdə 19,8) barellə Səudiyyə Ərəbistanı dayanır. Bu ölkəni 178,1 milyard barellə Kanada, 136,2 milyard barellə İran, 115 milyard barellə İraq və 104 milyard barellə Küveyt təqib edir. Dünyanın ən böyük iqtisadiyyatı ABŞ 19,1 milyard barel təsdiq edilmiş neft rezerv ilə bu göstəriciyə görə 12-ci, ikinci böyük iqtisadiyyatı Çin isə 16 milyard barellə 13-cü sırada yer alır.

Neft istehsalında Rusiya gündəlik 11 milyon barellə ilk sırada olarkən, Rusiyanı 9,9 milyon barellə Səudiyyə Ərəbistanı və 8,5 milyon barellə ABŞ izləyir. Bu ölkələrdən sonra gündəlik 4,1 milyonlu istehsal ilə Çin, gündəlik 3,8 milyon barellə Kanada və gündəlik 3,6 milyon barel istehsal ilə İran gəlir. Azərbaycan 0,9 milyon barellə 22-ci yerdə dayanır.

Dünyanın ən çox neft istehlak edən ölkəsi sıralamasında dünyanın ən böyük iqtisadiyyatı ABŞ gündəlik 18,8 milyon barellə ilk sırada yer alır. ABŞ-dan sonra Çin gündəlik 8,3 milyon barel neft və Yaponiya isə gündəlik 4,4 milyon barel neft istehlak edir. Səudiyyə Ərəbistanı gündəlik 6,4 milyon barellə dünyanın ən çox neft ixrac edən ölkəsi olarkən, Rusiya gündəlik 5,4 milyon barellə və İran gündəlik 2,2 milyon barellə Səudiyyə Ərəbistanını təqib edir.

Hazırladı: MushviG.H\Bütün hüquqlar qorunur. Saytda yerləşdirilmiş məlumatdan istifadə etdikdə istinad və müvafiq keçidin qoyulması zəruridir. 

Pirsinq

Pirsing — ingiliscədən tərcümədə body piercings yə`ni bədən pirsingi deməkdir. Əslində pirsing qədim tarixə malikdir.

 Hindistanda  qadınlar burun deşiklərinə qızıl halqa taxırdılar. Bu onların ərlərinə aid olmasını göstərirdi. Qədim Misirdə isə göbək pirsingi geniş yayılmışdır.

    «Müasir Pirsingin Yaradıcıları»  — Duq Mallo və Cim Vard hesab olunur. 1975-ci ildə Cim Vard Uest-Hollivud şəhərində  (ABŞ) ilk pirsing salonu açdı. Və bununla da pirsing bizim indiki dövrümüzə gəlib çıxdı. Duq Mallo özüdə pirsing daşıyıcısı idi.

  Sinə (döş) pirsingi  Qədim Romada (inkişaf etmiş dövlətlərdə) yaranmışdır. Yuli Sezarın qoruyucuları, Roma senturionları  (qədim Romada 100 nəfərdən ibarət qoşun dəstəsi başçısı) döşlərinə üzük keçirirdilər — bu da şücaət, mərdlik və kişilik əlaməti idi.

  Ən qədim pirsingli mumiya 1991-ci ildə Avstriyanın Similaun buzlaqlarında tapılmışdır. Mumiyanın yaşı təxminən 5300dən artıq idi. Onun qulağında deşik vardı və bu dini mərasimlə əlaqələndirilir. Bəzi qədim tayfalar dini mərasimlərdə pirsinglərdən istifadə edirdilər. Və bu adət indiyədək bəzi tayfalarda yenə hökm sürür.

    Pirsing fanatı olan ingilis Lesli Xovell bu barədə Ginnesin Rekordlar Kitabına düşüb. Onun bədənində düz 118 dəlik vardı. Lesli çox ağır xəstəlikdən vəfat etdi. Onun qanı dəhşətli dərəcədə çirklənmişdi, dəmir bədəndə qaldıqca müxtəlif mikroblar və infeksiyalar buraxır. Və bunun nəticəsində bədəndə olan qan tamamilə çirklənib xəstəlik əmələ gətirir. Həkimlərin məlumatına görə dəmir qanda qaldıqca qan rəngini dəyişir. Dəmir tərkibində olan bütün infeksiyaları qana ötürür.

     İlk burun pirsingi Yaxın Şərqdə 4000 il bundan əvvəl yaranmışdır. İbrahimin oğlunun anasına ilk hədiyyəsi  “qızıl sırğa” olur — Shanf. Shanf — bu söz hazırda Avropada “burun üzüyü” kimi işlədilir.

  Son vaxtlar pirsingin yeni növü dəbə minib. Brain-pirsing… Bəli, bəli… Adından gööründüyü kimi beyin pirsingi. Xüsusi narkozla olunan bu pirsing çox təhlükəlidir. Beyində təsiredici olmayan yerdə iki deşik açılır. Və həmin deşiklərə brain-pirsing üçün nəzərdə tutulmuş xüsusi halqalar taxılır. Lakin bu halqalara möhkəm dəyildikdə, toxunulduqda beyində qanaxmalar və daha təhlükəli şeylər baş verir. Hətta ölümlə belə nəticələnir. Ölümdən qorxmayan və həyata yalnız negativ gözlə baxan insanlar bu pirsingdən istifadə edirlər. Hazırda xaricdə brain-pirsing nəticəsində onlarla insan dünyasını dəyişib.

   XVI əsrdə pirsing Avropa ölkələrində dəbdən düşdü. Bunun səbəbi qulağı örtən saç düzümlərinin meydana gəlməsi idi. 1930-cu ildə Şimali Amerikda yenidən dəbə gələn pirsingi kişilər dəbə gətirdi. Həmin dövrlərdə kişilər daha çox pirsingdən istifadə edirdilər. Qulaq pirsingi daşıyıcılarından Uiliyam Şekspiri, İngiltərə kralı Kral I, Uolter Roli, Fransa kralı Henrik III  və.s misal gətirmək olar.

  1997-ci ildə Eleyn Devidson  Lesli Xovellin Rekordunu dəyişdi. O bədənində 462 dəliklə Ginnesin Rekordlar Kitabına  imza atdı. Onun tək başında 192 dəlik vardı.

Ən təhlükəli 7 ev əşyası

Arizona Universitetinin amerikalı mikrobioloqları, evdə olan ən çirkli və təhlükəlli əşyaların adlarını sadalayıblar. Hər birimizin düşündüyü əşyalar arxa planda qalaraq, təəccübə səbəb olan əşyalar ön planda yerləşiblər. Bu siyahıya mikrob və çirkin ən çox yığıldığı 7 ev əşyası daxildir. Beləliklə sizə bu siyahını təqdim edib, gələcəkdə bu əşyaların dezinfeksiyasında daha diqqətli olmanızı tövsiyə edirik...

1. Siyahıda birinci yeri demək olar hər gün mətbəxdə istifadə etdiyimiz taxta lövhələr tutur. Bu lövhədə aşkar olunan mkrobların sayı unitaz oturacağından 200 dəfə çoxdur. Mikrobioloqların tövsiyəsinə görə bu əşyanı istifadə etdikdən sonra qaynar suyla yaxşı yuyub və hökmən qurulamaq lazımdır. Bundan əlavə isə toyuq, ət, balıq, bişmiş tərəvəz, meyvə və çörək üçün ayrı lövhələrdən istifadə etməniz məsləhət görülür.

2. İkinci yerdə bizi təəccübləndirən telefon dəstəyi oldu. Telefon aparatını 2 gündən 1, ilk olaraq nəm sonra isə quru əski ilə mütləq silmək lazımdır.

3. Qabları yumaq üçün süngər. Bu lazımlı əşyanın hər həftə dəyişilməsi məsləhət görülür.

4. Vanna otagının pərdəsi. Onu ayda bir dəfə təzələməyiniz məsləhət görülür.

5. Mətbəx və vanna otaqlarında olan zibil qutuları. Xüsusi dezinfeksiya vasitələri ilə ayda 2 dəfədən az olmamaq şərtilə təmizlənməsi mütləqdir.

6. Qabyuyan maşın. Mikrobların daha çox yığıldığı yer bu əşyanın rezin bərkişmələridir. Rezin yerləri xüsusi dezinfeksiya vasitələri ilə həftədə 1 dəfə təmizləmək lazımdır.

7. Paltaryuyan maşın. Bu əşyanın da rezin bərkişmələri çox təhlükəl sayılıb, xüsusi dezinfeksiya vasitələriylə həftədə 1 dəfə təmizlənməyə vacib sayılır.

 

Ununtmayın ki, bakteriyalar üçün ideal ocaq yeri nəm və isti mühit sayılır!